鍾嘉欣三女家中出世 跟媽媽改名叫Linda

鍾嘉欣於2015年同年長13歲的醫生老公Jeremy結婚之後，三年抱兩，分別育有大女Kelly和二仔Jare，之前她宣佈第三度做媽媽，轉眼間今日就在IG公開三女已經出世，重約7.8磅，更幫囡囡改名為Anika Linda Leung，middle name同媽媽媽英文名一模一樣！

鍾嘉欣貼出同三女的合照，用英文留言「讓我們介紹我們最新家庭成員， Anika Linda Leung，現在我們是一家五口了」相中見到Anika正在熟睡，面豬肥嘟嘟而且頭髮超級濃密，鍾嘉欣亦輕輕親吻囡囡戴頭，隔住張相都覺得幸福，鍾嘉欣更PO出一張一家五口的手放在一起的相片。鍾嘉欣透露細女是天秤座虎B，今次更是「home birth」，即在屋企誕下囡囡，估計囡囡已出世一段日子，而她早前亦講過生完Anika之後就會正式封肚。