《中年好聲音3》昨晚（10日）播出一集，有多位「有故事的人」踏上舞台，透過動人歌聲分享人生故事，除了失去雙臂、來自雲南的「生命鬥士」李金凱，獻唱《一生中最愛》奪5燈亮麗成績之外，現年40歲的「抗癌勇士」任永健，選歌《青春告別式》作賽亦獲得4燈好成績。他過去因患病失聲一段日子，曾一度放棄唱歌，如今復癒並挑戰張敬軒歌曲，用歌聲傳播正能量，主持車婉婉也大讚叫好！
任永健現為一名土木工程師，有份參與港珠澳大橋興建工程，今次參加《中年3》目的希望為孩子樹立好榜樣。周國豐指以他曾經失聲的狀態，能夠唱出當晚水準：「你囝囝係值得為你驕傲，最鍾意你完全拿捏到首歌嘅感情。」伍仲衡則說：「唱得好好咬字亦清晰，但略嫌牙骹有啲緊，放番鬆啲會唱得感動啲。」
因亡夫鼓勵勇敢參加比賽的80歲婆婆羅秀蘭，直言丈夫早於第一季時，已希望她參加：「丈夫生前好鍾意聽我唱歌，2023年突然唔舒服中風走咗，當年成日叫我參加但唔夠膽，終於今年鼓起勇氣參加《中年好聲音3》，希望你會聽到我唱歌。」昨晚獻唱《朋友別哭》雖僅獲2燈，但動容故事讓同樣丈夫因病離世的肥媽感觸落淚：「你嗰種溫柔、想唱畀老公聽個感覺，我完全feel到。我哋喊唔係因為sad，係一個掛念、一個掛牽，但你相信我，佢就係喺我哋隔籬，我感受到你先生聽到你嘅溫柔、聽到你嘅愛。」
至於本集另一位5燈唱將，為來自北京、36歲保險經紀劉曉昆，獻唱《如願》大獲好評，不但獲肥媽讚「真正屬於舞台」，張佳添更直言：「你絕對是我今天的驚喜！你一開始唱頭兩句，已覺得聲音特別不同，絕對是有訓練過、偏專業的，好棒好棒！」
（即時娛樂）
留言 3
白雲龍
80歲中年？
11月11日10:37
nelson
評判刷鞋好棒好棒，睇得出伍sirs吾想按燈，屈服群眾壓力
11月11日10:24
無名
其實呢個乜節目，如果鬥歌藝，唔該收起D死人冧樓賣慘
11月11日10:11
顯示全部