ViuTV《全民造星IV》參賽者Ash（鍾卓穎）早前因緋聞而「天使」形象大損，繼被台灣前夫揭發已離婚，後來又被影到與MC張天賦行超市。事件發生後，今個月她保持低調，只有間中更新IG限時動態，直到今日終於在IG出post貼出狗仔相及片段，吸引近兩萬人讚好，但網民反應兩極，有人叫她加油，也有人指她「消費完老公，再消費動物」。
View this post on Instagram
Ash今日在IG貼出幾張與狗仔「芝麻」的合照，更說：「單純嘅陪伴最珍貴 你係我最珍貴嘅芝麻」，當中亦有她撫摸狗仔的片段，盡現她曾任職嬰兒深切治療部護士的愛心。再次出po，網民反應兩極，有網民留言力撐：「你終於返黎啦！要加油，我地一定陪住你架」、「唔好理人地既閒言閒語」。另一方面，亦有網民不接受，斥責她「消費完前夫 狗仔都唔放過」、走啦 唔想見到妳」等等。
