請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

風再起時|郭富城相隔33年再跟梁朝偉合作感開心:佢係優秀演員

郭富城表示和梁朝偉都是準備充分的演員。(劉永銳攝/資料圖片)
郭富城昨晚出席《風再起時》世界首映。(劉永銳攝)
2位影帝碰頭在戲中擦出火花。(資料圖片)

郭富城昨晚(16日)到尖沙嘴出席電影《風再起時》世界首映,於台上分享拍攝點滴,他透露與導演翁子光合作電影《踏血尋梅》時,對方曾表示想拍一套5、60年代以香港作為背景的故事,他說:「佢同我講,覺得我好似嗰個年代嘅人,及有嗰個年代嘅精神,眼神畀人感覺講得出一定做得到,同當時嘅香港人一樣努力向上爬,跌咗落嚟唔覺得痛,最後佢寫呢個劇本。」

城城指看過劇本後,覺得好大挑戰,因為要演由在學堂初出茅蘆到90歲,是他從影以來年齡最闊的角色,有時因要跳拍,時肥時瘦連戲,還要在戲中大騷舞技,他說:「我估唔到翁子光會用呢種手法去拍,好大膽呈現當時香港情懷,有一幕要展現懷舊踢躂舞,特地請排舞老師讓我重新再學,當然有跳舞底,之前有學習過會容易啲處理,我記得拍咗2晚通宵,由開工跳到收工,因跳踢躂舞全身力量集中雙腳,雙腳會很痠、好攰和好痛。」

相隔33年再與梁朝偉合作,城城表示記得在無綫劇《都市方程式》,有場戲偉仔演他的體育老師,但當時戲分不多,只是叫做合作過,他說:「第一次同偉仔喺電影上有交流,我覺得好開心,因為覺得偉仔同我都係準備充分嘅演員,所以拍攝過程入面,大家好有默契,有好嘅交流,偉仔畀我嘅感覺,係優秀演員,我覺得同優秀演員合作係享受,大家會問我同偉仔會有乜嘢火花?就正正係呢方面交流,就可以係最特別火花。」

(即時娛樂)

查看原始文章