MIRROR成軍三年,近期人氣達至顛峰狀況,工作排到密麻麻,成員們要同時兼顧唱歌、拍劇、拍戲、出騷、拍廣告,好似早前才推出新歌《鏡中鏡》的姜濤,轉眼間又要同隊友Ian(陳卓賢)為ViuTV新劇《季前賽》準備開鏡,而最令鏡粉興奮的是,Edan(呂爵安)都會加盟一齊拍!
去年ViuTV舉行節目巡禮宣佈姜濤同Ian將會擔大旗拍新劇《季前賽》時,一班鏡粉已經勁期待,據知《季前賽》將於下星期舉行開鏡記者會,當中出席藝人名單上面就出現Edan個名,一套劇可以見曬MIRROR三子,相信鏡粉們又要養定喉嚨尖叫了!另外,參加過《全民造星4》的Yoyo亦在名單上,似乎未有得女團出道,但可以投身劇界!《季前賽》是一套以街頭籃球為主的運動勵志喜劇,除了三位鏡仔之外,ERROR的肥仔(梁業)及193(郭嘉駿)都有份演出!