呂爵安考車一take合格　未考已租定車位

MIRROR成員呂爵安（Edan）考車牌一take過成功，晉身P牌仔，更被隊友柳應廷（Jer）篤爆未考已租定車位，信心十足。

Edan 今早在IG頻道，以失望聲線錄音：「唉，早晨，肥咗佬。」，又在限時動態貼黑白圖，寫上「肥咗」，當粉絲回應哭哭表情，紛紛問候之際。Edan便上載P牌及合格成績單，更鬼馬寫上：「唉，肥咗，塊面肥咗」。

Edan 不只整蠱Fans，本來亦想整蠱兄弟阿Jer。他上載與阿Jer的對話截圖，告訴對方「炒咗」，但Jer早已知道他合格，還在留言中踢爆指Edan早已租定車位，原本「準備定笑聲」笑對方。

Edan 還貼上臨考前，阿Sir比他還緊張的神態，寫道：「臨考前阿Sir仲緊張過我﹗爽！！」，亦有合格後與阿Sir興奮合照。當填詞人Tim Lui問「點解考前仲可以影阿Sir咁輕鬆？」Edan更得戚回應二字：「信心」。

雖然車位已租定，隊友李駿傑Jeremy問到「係唔係買咗車啦？」，Edan則回應「未啦」。日前 P牌Jer買波子代步成為「波子Jer」，有網民就留言笑稱「等睇Edan買林寶堅尼」。