張敬軒現身TVB《J Music》 半小時唱6首歌「好似返咗屋企咁」

TVB翡翠台於6月初推出三個全新音樂節目，分別是《勁歌金榜》、《MUSIC BREAK》和《J Music》。今個周日（7月2日）晚播出的《J Music》，邀得張敬軒獻唱新歌《隱形遊樂場》、《百年樹木》及《俏郎君》，並送上3首翻唱作品《夜機》、《完全因你》及《不捨也為愛》（TVB劇集《鬼咁夠運》插曲）。

對於再次現身TVB節目「獻聲」，軒仔笑言今次感覺像回家：「我喺TVB長大，今次嚟好似返咗屋企咁。」席間軒仔大談翻唱《夜機》及《不捨》的原因，原來均和成長地廣州有關。

談到《夜機》，軒仔透露和媽媽是廣州第一代經營卡拉OK生意人有關。軒仔說：「嗰時我大概十零歲，每逢星期六晚嘅八點半到九點，我都會喺嗰度唱歌，《夜機》係我第一首歌。」軒仔續指在青春期還未正式變聲前，基本上只適合唱女歌手的歌，並發現自己當時的聲線與陳慧嫻很夾。至於翻唱《不捨》、則與當年要離開成長地廣州、到香港工作有關。

面對軒仔大駕光臨，兩位主持冼靖峰（Archie）及潘靜文（Sherman）均表現得如小Fans般雀躍。Archie更獻唱當年《聲夢傳奇》的其中一首比賽歌曲《櫻花樹下》，讓軒仔即席點評。軒仔聽畢後，除大讚 Archie唱歌有進步，更笑指Archie是冧女王：「老手！一聽就知佢唱呢隻歌冧女。」及後軒仔即席調教 Archie 獻唱「去蕪存菁」版《櫻花樹下》。