曾任模特兒嘅馬來西亞網紅黃潔琪（Miko Wong），有着一副33C傲人好身材及甜美臉蛋，亦因留有一頭短髮關係被網友封為「翻版林明禎」。而繼6年前曾喺香港出寫真嘅佢，今次就轉戰台灣出新寫真外，更向台灣粉絲宣布喺台灣正式出道：「我只想做我自己，或許不夠完美，但至少是我自己，也希望有更多的作品讓大家認識我。」
時隔6年再出第2本寫真嘅Miko，坦言今次寫真喺紀錄咗自己從女孩成長為輕熟女孩嘅過程，並分別喺馬來西亞、台灣及香港三地取景，角色更從鄰家小女孩到職場女強人等應有盡有，無害嘅靦覥笑容及迷人電眼，都冧暈唔少粉絲。而Miko更期望透過是次新作推出，打開台灣知名度並認識更多當地朋友，實現台灣定居嘅夢想。
東網網站 : https://on.cc/東網Facebook專頁 : https://www.facebook.com/onccnews/