張致恒(Steven)和太太區燕雯(雯雯)近年常表示財困,之前搞拍片公司又不成功,但要養育4名兒子,當然要努力工作。近日Steven自爆被問會否出賣明星的電話號碼,對方更表示可以用1萬蚊買一個。
早前Steven終於上載出外打工相片,表示在尖沙咀茶餐廳工作,又到街頭派傳單,又做廚房:「過嚟尖東幸福中心,食午餐。飲靚奶茶啦喂,我派緊傳單,一陣間返入廚房。」第二天更說自己做埋「外賣仔」。努力工作之餘,Steven昨日更在IG限時動態表示有人問他賣明星電話號碼,對話中看到對方先問:「有個方法幫到你不知你肯唔肯?」Steven回應:「咩方法呢?」對方再說:「肯唔肯賣明星電話號碼我有錢收。」Steven再問「幾多錢先?」對方就問有沒有Twins電話,Steven表示「大部份都有」不過不會賣:「但係我唔會賣。」而Steven更在對話圖上留言:「其實係幾吸引嘅,但係我從來都唔會出賣朋友。」