【深圳一日遊】福田區 發現高CP值懷石燒肉店！品嚐頂級和牛各個部位！豪華購物商場適合一家大細玩足一日！夜晚食點心 食炭燒雞煲

最近同朋友返咗大陸，去咗福田區。其實我真係好耐冇返過去深圳，發現好多嘢都唔同晒，商場好大好靚，而且仲好多嘢食，好多嘢玩，一日真係行唔晒。。。
講返今集嘅2間餐廳，首先係卓越中心- 野岩灸，佢係連續五年米芝蓮推介餐廳之外，亦都係五年大眾點評推介嘅餐廳。2個人套餐$1088，包埋服務費，雖然唔係最平價嘅定位，但係真心唔算貴，食飽之餘仲可以食到唔同部位嘅頂級和牛，距離福田口岸只係10分鐘車程，真係好方便，而且體驗幾好。
夜晚果間係喺卓越滙附近嘅匠傳，主打點心，好鍾意佢個海參湯蝦餃，大大隻之餘佢個湯仲幾好飲！雞煲雖然唔係我食開果種，但係個湯底都值得一讚！