現年48歲的馬浚偉（馬仔）認真百足咁多爪，除了演戲、做導演、監制、編劇，又成立非牟利機構做義工之外，仲好鍾意讀書自我增值。繼早前正式從北京大學行政人員工商管理碩士課程畢竟後，近日又再透露自己將會入讀浸會大學中醫藥學院，繼續讀書！
昨日馬仔在社交平台透露自己已經正式收到浸會大學中醫藥學院的入學通知，據知他今次所讀的是中醫學全科的基礎夜校課程，一星期上三日，為期兩年，如果完成理論課和實習，再進修6年全職中醫課程就可以考中醫牌照。
有指馬仔突然修讀中醫是跟亡母有關，在他6歲時因為媽媽確診患癌，在患病22年來一直有保存關於中醫藥和食療報道，更儲了足足兩本硬皮簿，至今已經有超過40年歷史。馬仔就話學醫不是想為成醫，而是成全媽媽的心意。