【鹹濕欠債唔係罪】反控Naomi追數騷擾家人 雯雯代張致恒澄清冇消失走數

早前張致恒（Steven）被𡃁模Naomi(馮鎵瀠)一度追債，上月更被爆於居住的元朗遭貼街招追數，繼揭發一家搬離兼失聯，Steven老婆區燕雯(雯雯)還清空社交貼文。事隔半個月，昨晚她突然再度「蒲頭」，貼出勁長文點名狠批Naomi。首先雯雯感謝對方借二萬元應急，且為遲還錢致歉，但卻澄清並非消失走數。
自爆向財務公司借錢還欠債
雯雯自爆生活逼人下，已到財務公司借錢，雖然未能還清二萬欠款，但答應對方首先兩個月內還一萬元；不過她狠批Naomi為追債，涉用不當手法騷擾其家人包括其媽媽，還向對方求饒說：「我拜託你唔好騷擾我嘅家人，希望你可以放過我嘅家人。」對於其生活富貴之說，住靚屋兼養狗，她就解釋所住村屋位置偏僻，租金並非高昂，養寵物則是早在拍拖前已開始，故寧願捱窮也不想棄養；買玩具給兩個兒子，她則指只是親戚送贈，並禍不及兒子。望高抬貴手讓一家生存落去
字裏行間雯雯還替老公Steven求情，指「一個男人衰鹹濕衰貪玩，係咪就要判佢死刑？既然佢𠵱家咁努力去生存，點解唔可以畀啲時間佢，慢慢做去照顧兩個小朋友？大家可唔可以高抬貴手，畀我兩個小朋友可以有一個爸爸，我哋一家四口可以生存落去。」又透露Steven 現時有少量工作，已逐一還錢給債主，只是未能一次過還清所有欠債。Naomi回覆傳媒時否認騷擾過雯雯家人，又指對方應該去報警。