陳蕾早前因邀負面新聞不絕的Nathan（魏念恩）任紅館個唱嘉賓惹熱議，她的言論亦令不少網民不滿，她之後透過社交平台撰長文回應事件及道歉，經休息及沉澱後，她再次投入工作，繼早前出席香港電影金像獎後，今天（21日）到觀塘出席活動，與近百位粉絲打機。
陳蕾直言紅館騷前有偷偷打機放鬆，但騷後沒有再打機，因為她怕生疏，所以活動前一晚由晚上9時打到凌晨4時，弄至瞓捩頸，她說：「既然安排我嚟打機，就係睇中我喺電競實力，所以要做足準備，好榮幸可以同打機掛鉤，亦好開心可以同粉絲一齊打機。」
她打機時笑容滿面，問是否已重拾心情，把早前是非拋諸腦後？她說：「其實打機好開心，令人好放鬆，我會打機、創作同睇書嚟忘記唔開心嘅嘢，適當時候以各種娛樂令自己放鬆都幾重要。」
陳蕾表示騷後去了10天日本旅行，現已投入創作工作寫新歌，現階段心情平靜，每日都安排很多學習、娛樂及創作的事，她說：「有朋友介紹我用一個學習外語應用程式，𠵱家會上網學日文及英文，準備將來旅行之用，6月會放長假去旅行，仲未決定去邊個地方，想到外地為寫歌攞靈感。」
（即時娛樂）
