壽司下午茶大對決！🍣 壽司郎VS元氣

壽司下午茶大對決！🍣
🌟壽司郎下午茶 $44
下午茶可以選擇一個麵食配一份天婦羅/壽司，小編今次係試烏冬加壽司，烏冬正常發揮彈牙好食，份量都好足。壽司就只有4件，不過呢個價錢差不多啦~

好快有得食，食完拍完片到埋單都係30分鐘，CP值算高的，正常發揮不錯。

🌟元氣下午茶 $60.5

總共有4款套餐選擇，最平由$48起。套餐除左5-6件壽司，仲包小食同埋輕食。小食可以簡炸蝦寶、蟹柳、章魚燒同埋芝士薯條。輕食就有得簡茶碗蒸、烏冬或者南瓜。小編就簡左熟／灸燒壽司呢份，有5件壽司，加埋茶碗蒸同埋蟹柳。最後都好飽，連果兩條蟹柳都無食到。

上到黎，成碟好似打完風咁，壽司歪歪斜斜，已經好唔吸引，可能係因為架「高速車」通常都係運開一碟一兩件既壽司，處理唔到大既碟…所以大家對賣相就唔好咁期待啦。

味道呢，壽司同其它時間食都係一樣既。件蟹柳同埋玉子都堅大件好飽肚。

茶碗蒸係小編至愛，每次急住食都會俾佢辣到嘴。果兩條蟹柳就不予置評啦，建議大家唔怕熱氣都係叫返其他野，應該會有心整D。

記得下午茶都係會有堂食加一的，總數$60.5 埋單。

總結：好想食元氣既壽司或者茶碗蒸係可以試，但性價比唔高，味道就同平時一樣～

-
本影片非廣告贊助，歡迎金主打賞。

更多美食、煮食資訊同分享，
記得訂閱埋YouTube!

生活