曾比特肌肉急性發炎　靠撐拐杖及坐輪椅代步

歌手曾比特上月因肌肉急性發炎，導致肌肉劇痛未能走路，要靠撐拐杖及坐輪椅代步，他日前於社交網發布好消息：「休息咗一星期，好榮幸同大家講，我可以慢慢行啦！年廿八急性行動唔到之後，一路到依家醫生都話你要治療一番呀真係，惟有畀自己新年放假啦，咁耐冇Update social media，係我唔好，所以依家郁得返啦，黎緊拍多d野，唱多d歌，同大家見多d面嫁啦！練習，拍嘢安排上！」

粉絲們都留言送上祝福，叫他最重要健康為先：「復原是需要時間的，最緊要聽醫生話，盡量多些休息，保重身體」、「唔好好番少少就掉以輕心」、「給自己放個假，休息下，自己行動要小心啦，希望你早日康復，回復佻脫活潑」、「好返晒未㗎？完全康復先至復工啦，我哋會等你㗎。」非常窩心。

東網網站 : https://on.cc/東網Facebook專頁 : https://www.facebook.com/onccnews/