引發追看潮！陶大宇再唱《倒轉地球》玩轉無綫

藝人陶大宇憑一曲《倒轉地球》爆紅，向來充滿善心嘅佢即使身在內地，昨晚（11日）都拍片支持「東華」，更預告會喺「卡拉之星」環節唱歌，片段於晚上9點幾播出後，即時引起熱議，大批網民對佢現身無綫表演感驚喜，更直指坐喺電視機前等佢出場，希望佢會再唱神曲，全城期待！

而喺凌晨1點幾時，佢終於驚喜現身，仲實現網民「心願」，以視像方式隔空與一班總理、鄧智堅及黃頌明等一大班無綫藝人「同台」合唱「東華版」《倒轉地球》，其中佢繼續施展招牌「水撥式」台風，炒熱全場氣氛，唔單止錄影廠現場打成一片，就連網民都睇到High爆，成為節目嘅一大亮點。

東網網站 : https://on.cc/東網Facebook專頁 : https://www.facebook.com/onccnews/