MIRROR於2022年的第一首團歌〈Innerspace〉將於今日（4月25日）推出，今次12子向高難度挑戰，在MV中上演一場激光及水舞間舞蹈。
〈Innerspace〉由王雙駿作曲、小克填詞，有別於過去團歌，今次想大家多認識自己，從而尋找快樂泉源。隊長Lokman介紹歌曲內容：「今次〈Innerspace〉帶大家進入一個幻想嘅世界，再帶大家跳入自己嘅壯闊宇宙，觀察內在嘅自己，再思考一下、了解一下、沉澱一下，從過程中發揮一個更大嘅潛能。宇宙都係一面鏡，學懂愛惜自己，就會學識周遭嘅所有嘅嘢，係快樂嘅第一步。」
MIRROR早前合體，以兩日時間拍攝歌曲MV，Lokman形容為一日是文鬥，另一日則是「舞」鬥，Lokman說：「拍攝第一日主力係跳舞嘅部份，第二日就係mood shot。」
今次MIRROR於〈Innerspace〉MV中不但在激光中起舞、更在水池中勁舞，而他們的舞蹈向來以複雜、高難度見稱，這次上演的一場水舞間將難度提升，再次挑戰MIRROR眾人的舞技與體能。眾人拍攝後由內到外全濕。
今次〈Innerspace〉是為即將首個紅館舉行的《MIRROR.WE.ARE LIVE CONCERT 2022》揭開序幕，MIRROR眾人均很期待演唱會的來臨。更多詳情，請留意明天詳情公布。
