56歲李麗珍情迷MIRROR 自稱老蚌想生B:外形似姜濤性格似呂爵安

由魏浚笙（Jeffrey）、呂爵安（Edan）、王智德（Alton）及邱士縉（Stanley）等主演的ViuTV劇集《I SWIM》前晚（11日）首播獲好評，56歲的「鏡粉」李麗珍都有捧場。日前她在社交網貼出手持Edan應援牌的照片，又於Edan的戶外廣告前打卡，她寫道︰「《I SWIM》今晚9:30要煲戲，唔好約我去玩。#EDANLUI #李馬榮」，獲本尊Edan驚喜留言：「Wahhh」而李麗珍則回覆Edan：「好辛苦㗎，畀心機做戲，下次做你阿媽。」

李麗珍昨晚又上載跟Edan及姜濤的宣傳海報打卡的照片，她笑謂：「婆婆愛幻想，老蚌想生B，外形似姜B，性格似爵安。#真係唔知醜 #跪求演唱會門票」，網民都留言笑指：「好有少女心」、「好追貼潮流」，而近排活躍於社交網的李麗珍亦逐一回應網民表示：「彷彿回到少女時代」、「我好想佢（姜濤）係我個仔就好」、「婆婆好有眼光」，而有網民表示：「好喜歡妳的電影！小時候」，李麗珍則大方笑謂：「做人向前看睇MIRROR 。」

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ