藝人王祖藍早前表示因經常要喺內地工作，佢犧牲自己選擇全家搬去長沙，方便拍攝，尋日（29日）佢就上載一條3歲半大女Gabby當街爆喊片，原來係佢同媽咪李亞男行街街時，阿女見到爸爸出現喺電視上面，畫面中王祖藍倒地扮暈，嚇到Gabby以為係真嘅，情急之下加上極傷心，只好企喺路中心放聲大哭，一旁嘅李亞男立即安慰︰「那是假的！假的！」又拍拍囡囡背脊，搞到Gabby即刻停咗1秒疑惑，點知就繼續喊，李亞男只好抱起佢，幫阿女冷靜落嚟，真係睇見都夠得窩心。
此片一出，圈中唔少父母級嘅Artists都留言，好似吳若希（Jinny）、陳自瑤和陳敏之等都留言表示好好笑，點知林盛斌（Bob）就自爆：「你就好啦，嗰次電視唔知播乜嘢戲，我要慘死嘅，我啲女全部喪笑同埋拍晒手掌😒😒😒」睇得出佢酸過葡萄呀！
東網網站 : https://on.cc/東網Facebook專頁 : https://www.facebook.com/onccnews/
