無綫藝人鄺潔楹(Judy)本身家境不俗，但入行至今毫不炫富，一直默默耕耘的她，落力拍劇，而其矯小可愛的身形配合甜美美貌，俘虜不少「宅男」！現年32歲的她，已經擁有多間公司做老闆娘，除了跟家人開投資公司外，Judy亦有投資健身室，創立網上甜品店，更有自家品牌服裝系列，年紀輕輕，八足咁多爪。
今日(12日)，她的服裝品牌將會舉行開幕活動，Judy日前更於社交平網PO片「招客」，身穿自家設計泡泡裙的她，講明自己會親自落舖介絕靚衫。她接受東網訪問時謂：「其實我個牌子都搞咗差唔多兩年，當初概念係想設計一啲身形較細粒嘅女仔都可以着得靚嘅衫，過去呢兩年都專注網上賣，依家就會喺商場開實體店，舖頭入面都有其他產品，要我自己承擔一個舖位太貴嘞，依家經濟大環境唔係咁好，睇吓之後銷售點呢，都係試水溫。（啲衫自己有份設計？）我都有份參與嘅，但始終冇拍檔咁熟悉啲布料同設計，但我會同佢講有咩概念。」
東網網站 : https://on.cc/東網Facebook專頁 : https://www.facebook.com/onccnews/
留言 0