Suki打電話整蠱未婚夫羅拔柏迪臣 識穿後有咩反應？

英國模特兒女星Suki Waterhouse與影星未婚夫羅拔柏迪臣（Robert Pattinson）出名恩愛，她日前應時尚雜誌的邀請在整蠱人環節中打電話呃愛郎。

Suki於節目中打畀羅拔欺騙他自己即將任真人騷節目主持，她說：「你知道那個節目《盲婚試愛》（Love Is Blind），我剛獲邀請任《盲婚試愛》主持人。係咪好型呢？」羅拔即回答：「邊套係《盲婚試愛》吓？」Suki自爆她們早排一同睇《盲》，並提議男友與她一同任該節目主持。羅拔即時好認真問：「你係咪黐咗？你係咪講笑？成件事係講笑？」之後羅拔有懷疑問她是否拍緊整蠱人電視節目，Suki即回答：「唔係電視，不過你會喺網上出現。」

羅拔得知後即「詐型」表示：「唔係啩？！我唔想呀！」除了打電話整蠱未婚夫之外，Suki亦於環節中打電話玩圈中好友Zoe Kravitz與Camila Morrone。

東網網站 : https://on.cc/東網Facebook專頁 : https://www.facebook.com/onccnews/