羅志祥周揚青驚爆同遊日本　助手秒速回應大爆料

台灣舞王羅志祥（小豬）2020年被內地富二代藝人周揚青毀滅式分手，女方爆小豬愛「多人運動」，二人分手至今小豬都未再有公開新女友，極力保住幕前形象。尋晚（9日），有網友晒出疑似偶遇羅志祥同周揚青日本同遊照，即時引爆討論度。網友拎出羅志祥自己upload嘅單人背面相做對比，同佢晒出嘅「同遊照」中男方打扮一模一樣，而疑似周揚青嘅女子則同小豬隔開一個身位。

對此，羅志祥助手喺張相上載一小時內，即刻現身評論區否認，稱自己都係照片入面其中一位，更大爆被傳係周揚青嘅女生身份：「你好我是羅志祥的助理，也是照片裏的其中一位，那位是日本品牌合作的工作人員，因為我們2月在日本有品牌合作聯名，不是你所說的那樣 ！謝謝你」意外爆出小豬下月攻入日本潮界。

東網網站 : https://on.cc/東網Facebook專頁 : https://www.facebook.com/onccnews/