葉蒨文家姐嫁德國多年終回港　每日陪飲陪食肥晒

無綫藝人葉蒨文（Sophie）的家姐最近一家由德國回港，她自然要做導遊陪伴家姐與姨甥仔女在港四處逛，她說：「家姐嫁咗去德國好多年，因為疫情，佢哋對上一次返嚟香港已經係2018年，好耐冇見佢哋，今次佢哋家人一齊返香港玩，我就陪佢同姨甥食一啲地道嘅茶餐廳，食菠蘿包，家姐都好掛住香港嘅嘢食同埋中菜，主要都係帶佢哋周圍食，食到我都肥咗，哈哈。」

快樂的時光過得特別快，Sophie指家姐將要返德國，但姨甥女則會多留在香港4個月體驗香港的生活和文化，她說：「佢都咁嚟過香港旅遊，但係冇真係感受過嗰個香港文化，所以佢想返德國讀書之前留喺呢度4個月，順便見吓我哋，因為如果遲啲讀PHD就難啲走開喇。所以嚟緊嗰幾個月我都會充當導遊，帶佢去唔同香港嘅地方，其實自己都好少探索香港，平時都係返工、放工喺公司喺屋企，所以我覺得嚟緊呢4個月，自己都會有唔同嘅體會。」

Sophie雖然要「帶團」但同時又要拍攝處境劇《愛．回家之開心速遞》，近期更要走入錄音室錄音為新年花車巡遊作準備，相當忙碌。

東網網站 : https://on.cc/東網Facebook專頁 : https://www.facebook.com/onccnews/