歌手陳慧嫻入行40週年演唱會昨晚第4場，邀來古巨基擔任嘉賓，全場反應熱烈。慧嫻搞笑向台下問道﹕「你哋諗唔到我搵佢啦？以為我哋『無厘啦更』，其實私底下我哋係好好嘅朋友。」
慧嫻續謂：「其實我哋平時都係聚會嘅腳嚟，我哋會傾心事。」她轉問基仔﹕「我唔知你記唔記得，喺好多年前，你同我講好想同我監製唱片。我依家問番你，點解咁嘅？竟然對我有興趣？ 」基仔靦腆答﹕「嘩，妳記得呀？因為我有做監製嘛，我哋呢度成萬人都對妳都有興趣喎，點會『竟然』呀？」慧嫻： 「我想問下你，今時今日你仲想唔想同我做唱片監製？」基仔隨即點頭答應，兩人更當眾打手印：「下次慧嫻錄新歌就由我監制！」全場起哄。
東網網站 : https://on.cc/東網Facebook專頁 : https://www.facebook.com/onccnews/