女星Angelababy（楊穎）曾傳因觀看19禁騷而遭內地封殺，近期走出陰霾逐步復出，網上有傳佢第一波復出作，就係佢同內地男神宋威龍主演嘅古裝劇《相思令》有望喺今個月「空降」播出。
Baby被軟封殺前預計要播出嘅古裝劇《相思令》，再次傳出上檔消息，除早前被發現出現喺影視平台預告嘅2025年大片名單中，更有人指出該劇將於本月20日左右空降平台播出。雖然官方尚未證實，但外界睇好呢套將會成為Baby另一代表作，有望重返當年爆紅地位。
而Baby近期為品牌拍攝宣傳短片，見佢化上精緻妝容，一頭咖啡色浪漫捲髮加髮尾灰色highlight，溫柔又叛逆，成功令佢登上熱搜。女神美貌Keep得住，粉絲自然高興，留言大讚「我不行了，美成這樣」、「真正臉在江山在，路人被美到了這次」、「跟洋娃娃一樣」紛紛表示期待佢「復出」。
東網網站 : https://on.cc/東網Facebook專頁 : https://www.facebook.com/onccnews/
留言 0