藝人馬貫東與彭慧中(Phoebe)於無綫新劇《妳不是她》中飾演兩夫婦，日前他們拍攝一場兒子於學校表演的戲份，入行多年首次正式有角色上演的Phoebe，坦言今次甚有壓力，她接受東網訪問時謂:「開咗工都差唔多一個月，壓力都大嘅，平時做開主持，但拍劇真係好新，劇入面個仔啲經驗都多過我，佢係我前輩，而且我個角色唔係嘻嘻哈哈，性格比較認真、緊張，之前拍一場喊戲，一嚟就要喊，拍咗豈碼5 take，(要用眼藥水?)用都冇用，一滴未埋到位已經流晒出嚟，惟有培養耐啲用真眼淚。」
至於馬貫東於劇中飾演暖男愛妻號，所有事都不用太太粗心，問他有否指教一下「初哥」Phoebe時，他謙虛謂:「好多時監製都喺現場，自己都冇資格教，只會大家傾吓會點樣做。」劇中他與丁子朗、黃庭鋒是好兄弟，由細玩到大，絕對是打死不離三兄弟，拍攝時戲外戲內他們都關係很好，不時互窒搞笑一番。
東網網站 : https://on.cc/東網Facebook專頁 : https://www.facebook.com/onccnews/
留言 0