請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

有個閨密叫祖藍|王祖藍立定遺囑 李亞男做收租婆 陳松伶爆老公係嗌交王

祖藍追問祖藍夫妻間財政分配問題。

陳松伶為節目《有個閨密叫祖藍》擔任嘉賓,才首度跟王祖藍這個「網友」見面,更讓祖藍自動爆料,直認兩公老一齊接的工作,酬金全數由老婆李亞男收取,更驚爆:「基本上我類似整晒遺囑,房產收租都會去晒佢嗰度,我係預咗萬一自己唔喺度,佢都一路有收入。」
松松欣賞祖藍對老婆盡責,也指老公張鐸是責任心很重的男人:「你哋都會先為對方去諗,好驚自己有一日照顧唔到對方會點。」由於她不擅計數及理財,財政等事宜歸張鐸管理,松松大讚張鐸早已為二人做好理財計劃,更詳細列出了為此必須完成的事,令松松甜在心頭:「望到個心入面好有安全感。」

松松在節目中不停放閃。

放閃陸續有來,松松指張鐸試過在歐洲,為了買衣服送她,會在名店上演「女裝花生騷」,親自穿上女裝叫售貨員幫他拍照,女店員都嗌勁嗌冧;松松又指張鐸是緊張大師,跟他相處似多了個爸爸,與松松外出吃飯的友人,不少都收過他的奪命追魂Call,不停問她何時回家?

不過原來雙方第一印象並不好,松松說:「我哋嗰次要圍讀,佢就覺得點解呢個女演員遲到?因為我嗰日趕飛機去;第一眼佢係唔鍾意我,我就覺得幾得意:『佢話我遲到喎,冇人話過我㗎嘛』。但其實真正覺得呢個人可靠,係拍完戲之後。」松松又爆老公有「唔沖涼就瞓覺」惡習:「有次佢上牀之後,我問佢:『洗咗頭未呀?』佢就話:『明天洗』,我問:『明天什麼時候洗?』佢話:『游泳的時候順便洗』,我真係(激到)暈低呀!」松松更指張鐸是「嗌交王」:「我發覺我原來可以成為好好嘅律師,我同張生一齊後,佢提升咗我嗌交技能!」

祖藍同松松都交足料。

查看原始文章