藝人劉愷威同內地40歲女星李曉峰拍拖後，女方名氣大增，雖然係多咗好多人識，不過就未必係好事，因為輿論度亦更高，唔少網友得知李曉峰同劉愷威一齊之後，都指女方喺圈中地位唔夠高，二人Background唔夠合襯等，更有大批疑似楊冪粉絲湧到去女方短片網評論區入面，洗版式瘋狂貼上劉愷威前妻楊冪嘅靚相，集體網上欺凌李曉峰，搞到部分網友都睇唔過眼。
同時，李曉峰被發現獲邀加入直播平台帶貨，喺平台上賣羽絨外套，短時間內吸引逾1萬名觀眾收看，佢亦有唔少粉絲點擊為偶像助陣，其粉絲就被發現團名叫「蜂蜜」，咁啱楊冪粉絲團就叫「蜜蜂」，相似程度太過離譜，有網友就認為佢根本就係想「黐」楊冪熱度，提升自己關注度，不過翻查資料，其實李曉峰粉絲團名「蜂蜜」早喺2013年已經改好。
東網網站 : https://on.cc/東網Facebook專頁 : https://www.facebook.com/onccnews/
留言 0