洪永城（Tony）太太梁諾妍（Inez）終於如願以償，於大年初三帶老公及囡囡返娘家跟親友拜年及補擺喜酒，Inez日前接受訪問時謂：「因為疫情咁耐，我都冇返過娘家，依家終於開關，可以帶囡囡返去第一次見吓父母同啲親戚，仲有晚上擺番5、6圍請親戚食飯，因為佢哋嚟唔到香港觀禮。」
問到屆時是否狂派利是？她則笑言：「有個女喺度可以收番，計番派同收都差唔多，都係開心事。」不過因年初二，她和囡囡要返老公家食開年飯，而年初五自己就開工大吉，所以只可留在娘家兩日，故只有一日時間走巡姑姐、叔叔等家作快閃拜年。
問到新年願望？Inez謂其中一個願望是為囡囡添個弟妹，只是造人計劃要2月後少可實行，皆因她近月要全身準戰馬拉松，她謂：「我仲係挑戰全馬，因為唔想hea跑，所以早上要跑山，晚上再跑街。」由於練跑消耗量大，連梁媽媽也心痛囡囡，揚言要煲長白山人參給她補氣，以免她跑着辛苦。
場地提供：銅鑼灣富豪酒店
東網網站 : https://on.cc/東網Facebook專頁 : https://www.facebook.com/onccnews/