圓規襲港︱「日出」成熱門搜尋　帶挈歌神張學友！

日前「圓規」襲港，天文台喺12日下午5點20分發出八號烈風或暴風信號，仲話會維持到翌日日出前，因為天文台所講嘅「日出」，大家都好好奇究竟係點鐘，唔少網友都上網搜尋日出時間，令到「日出」成為熱門搜尋！

網友除咗睇「日出」時間落咗八號風球未同緊張緊使唔使返工之外，「日出」呢個搜尋字原來仲帶挈埋哥神張學友，佢嘅歌曲《日出時讓戀愛終結》都成為埋搜尋人氣主題，《日出時讓戀愛終結》由學友主唱，收錄於1992年專輯《愛・火・花》中。另外，網友可能記錯咗歌名，「日出時讓戀愛開始」嘅搜尋量同時激增！

而學友同Gin Lee（李幸倪）最近合唱嘅《日出時讓街燈安睡》，歌名雖然都有「日出」兩個字，但今次未有上榜，真係有啲可惜！

東網網站 : https://on.cc/東網Facebook專頁 : https://www.facebook.com/onccnews/