現年32歲的前港姐袁嘉敏昨日突在IG留言鬧爆鍾培生父子正「人渣(jerks)」,字裏行間暗示過去一年曾受鍾氏父子照顧三餐,又晒出多張豪宅相片做證明,雖最終未明言因何事反面,都足以引發全城勁估三人關係。
事件發酵一日,鍾培生今日在Facebook撰文回應,坦承去年認識「袁小姐」後曾為其提供經濟支持,但已半年以上沒有見面,又反控對方為索求更多經濟援助而不斷騷擾他及身邊朋友,因為事件引發太多無理猜測才決定公開澄清。
事件另一位主角袁嘉敏今早則在IG留言稱將離港兩個月,自稱最近睡眠質素麻麻所以想去外國散心,落閘指不想再多講有關事件。不過鍾培生回應一出,袁嘉敏再次留言反擊,稱鍾所說的不是事實,而經濟援助則是「他自己堅要畀」,又加碼大爆鍾培生經常打電話傾心事,叫她每個電話收錢。