哥迪奥拿賽後就話杜古係第一場比賽有啲怕羞　但今場已經唔同晒，佢有非常出色嘅表現

曼城翼鋒杜古對住韋斯咸嘅比賽搵到第一個加盟曼城入波，杜古就話「我覺得球隊反應非常好，雖然我哋上半場有好多機會但入唔到波，但係我哋一直都努力。由於我嘅控波失誤，令到對手搵到一個入波，所以我都有啲失望。不過，我哋之後都有三個入波，踢得都真係唔錯🙂。」

杜古又話「呢個入波代表住好多嘢，尤其係韋斯咸入波之後發生，再加上呢個失波係因為我嘅失誤而發生。我想作出回應、做多啲正面嘅嘢，我幫到球隊，所以就覺得開心😊。」

呢位比利時🇧🇪翼鋒最後就話「教練話我係第一場比賽好似有啲怕羞，但係依家已經唔係。正如教練所講，我今場比賽真係無咁怕羞😂。」