髮型師兼模特兒陳偉成（Avis）去年11月與女友黃藹樂（藝名：黃樂樂）拉埋天窗，早前Avis更突然發文自爆將來去旅行要買三張機票，疑似暗示「三人行」造人成功。
雖然唔少網民紛紛送上恭喜，但Avis亦未有理會，近日再次同老婆出發去旅行嘅佢，呢日就喺社交網大晒旅行靚相，相中見佢同老婆喺泳池邊玩錫錫，但兩公婆似乎略欠默契，當Avis獻吻時老婆反應唔切，導致被拍下未Ready嘅一刻，相當搞笑，就連Avis都笑指：「有冇人會同我一樣，永遠同另一半影相都好配合，但係當到我嘅時候佢永遠都冇一張配合嘅相。」相中見黃藹樂三點式上陣大晒豐滿上圍，不過兩張相都只影住上半身，似乎刻意避開下半身唔見肚。
東網網站 : https://on.cc/
東網Facebook專頁 : https://www.facebook.com/onccnews/
