被翻舊帳拜金飛甩前男友！蔡嘉欣反擊公開真相：我係被分手，朋友都做唔到

前落選港姐蔡嘉欣入行以來一直飽受網民攻擊，繼日前她在社交平台分享自己帶狗狗落街散步被炮轟在馬路邊冇用狗繩「搵隻狗條命較飛！」後，近日蔡嘉欣又突然被翻舊帳，指她當年因為拜金而狠飛前無綫藝員男友吳子冲，搞到蔡嘉欣都忍唔住在出聲反擊，公開當年自己是「被分手」的受害者。

蔡嘉欣昨日在IG限動表示入行2年，外界對自己了解不深，自己亦從來都不喜歡解釋，今次就籍住機會讓網民更了解自己：「簡單來說，5年前我係被分手的，分手原因我都唔想去回憶，畢竟已經事過境遷，放下雖則放下但朋友是做不來的，至於現任，係分手後一段時間因為緣分而結識的。謝謝大家的關心和理解，我會繼續努力做好自己的工作！」

蔡嘉欣前度吳子沖今年29歲，模特兒出身，於2018年4月正式成為無綫藝員，跟蔡嘉欣拍拖時二人曾一起開設IG時裝店兼同居，可惜最後分手收場。之前有傳蔡嘉欣搭上現任男友而跟吳子沖分手，不過亦有指其實是吳子沖另結新歡而飛甩蔡嘉欣，蔡嘉欣當時更傷心到喊住返娘家。