劉溫馨Staycation玩無添加恤衫透視誘惑

劉溫馨為2013年港姐第四名，當年大熱倒灶輸畀陳凱琳，明明中央戲劇學院本科畢業，可惜加入無綫咁耐就一直做二打六角色，難得佢從來冇諗過放棄堅持做好每一個小角色，終於捱到近期角色有名有姓又有對白，繼早前在重頭劇《 那些我愛過的人 》中扮護士，又不時客串《愛回家》的「頭皮博士」，據知劉溫馨在將播放的《香港愛情故事》亦有份演出，戲份亦越來越重。因肺炎疫情，不少女藝人潮興玩Staycation，劉溫馨都唔例外，早前到酒店過夜Staycation，更在酒店拍攝自家寫真，講明無瀘鏡，絕非P圖！

撰文：東方新地｜圖片：劉溫馨社交網

Staycation另類玩法 劉溫馨影遍每個角落

劉溫馨29歲雖然未做過重要角色，不過她默默演，每場戲都用心演繹，參演而未播出的劇集有《愛美麗狂想曲》、《踩過界2》、《香港愛情故事》和拍攝中的《BB大晒》及《換命真相》。雖然角色戲份不多，但亦劇接劇早晚有抬頭機會，近日劉溫馨潮玩Staycation，更邀請女攝影師為她拍無添加寫真留念，酒店房無論窗前景緻、浴室、大玻璃鏡等一律唔放過。

劉溫馨Staycation窗前透視極惹火

劉溫馨打變幻球身材話變就變

早前劉溫馨在《那些我愛過的人》出演護士，制服誘惑裝雖然養眼不過密密實實有啲翳焗？其實平時嘅劉溫馨上得山下得水又係瑜伽高手，身材 fit到漏仲好大方影埋好多靚相每日喺網上供應，follow 開嘅朋友多數都留意到，無論晚裝look、運動 look、水著 look、休閒 look，劉溫馨嘅衣著妝容打扮得宜，連上圍都識得隨著場合與衣著放大又縮細。

中央戲劇學院表演系本科畢業，又係2013年港姐冠軍陳凱琳以外第二大熱，劉溫馨有樣又有實力，捱足七年角色愈嚟愈吃重，新劇《那些我愛過的人》有份做俏護士Mandy。