《愛回家》疑再影射姜濤搬新屋引私生飯 編劇被嘲是「姜糖」

由27歲丘梓謙於無綫處境劇《愛回家之開心速遞》飾演的人氣偶像「蔥頭」，一直以來都被網民認定是影射當紅男團MIRROR成員姜濤，雖然劇組未有回應，但「蔥頭」的背景及小動作都巧合跟姜濤似到十足十，搞到有部分「姜糖」非常不滿，更曾經去湧入丘梓謙的Instagram留言作出人身攻擊。

去到近日《愛回家》又疑似將姜濤的「真實生活」加入劇中，最近一集講到「蔥頭」希望搬出來自己住，就租下熊尚善（膝麗名飾）同層單位，點知消息好快就傳到去傳媒及「私生飯」耳邊，有粉絲日日在外面等候偶像，更有人爭住做大廈保安及清潔工人，令鄰居們都受到困擾。剛巧姜濤早前真的搬了新屋，新住處更火速被「私生飯」起底，搞到姜濤上星期忍唔住出PO叫粉絲:「講真的給我一點空間。」《愛回家》出街後，有網民就笑指劇集編劇應該是「姜糖」。