周星馳堅係請人　親自睇應徵者貼文：揀緊螢火蟲！

近年鮮有露面嘅周星馳（星爺）最近終於開通社交平台帳戶，早前處男出Po就係為咗招募人才，佢話要「在漆黑中找尋鮮明出眾的#Web3人才」，擺明招兵殺入元宇宙！

到咗今日（24日）再度出Po，上載1張佢睇緊社交網嘅相，睇到佢好認真咁睇緊超過500個應徵貼文，留言話：「揀緊螢火蟲！」一眾「應徵者」亦紛紛留言擦星爺鞋，好似話「有冇啲好似你咁出色嘅男人」、「有星爺坐鎮，香港Web3有神級領頭人。一眾builders有福了！」、「好慶幸我嘅黃金年代有星爺你嘅出現」等，希望可以吸引到星爺嘅賞識。而音樂人陳奐仁亦指星爺睇緊社交網中其中一張NFT圖係佢嘅作品，留言：「That’s me！」唔知佢最有冇被星爺睇中呢？

東網網站 : https://on.cc/東網Facebook專頁 : https://www.facebook.com/onccnews/