請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

Edan 呂爵安@MIRROR全新派台作品〈LOVERSE〉宣揚愛 MV 誇張造型演外星人

KKBOX

更新於 2023年02月01日09:57 • 發布於 2023年02月02日07:54 • KKBOX編輯室

Edan 呂爵安@MIRROR 推出全新 R&B 作品〈LOVERSE〉讚頌愛, MV 中更化身外星人,與地球人發展超友誼感情。

Edan 今次首度與周耀輝合作,歌名特別加入元宇宙(Metaverse)概念,變成〈LOVERSE〉,Edan 特別為大家解釋這個歌名及歌詞內容的意思。 「〈LOVERSE〉係想講愛對人類好緊要,愛喺全宇宙都係一個共通嘅語言,喺任何地方都會發生,係一件永恆嘅事情。」歌詞裡面有兩句令 Edan 印象很深:愛就要笨到像天才/愛就要大到成為大愛,他覺得這兩句的形容很巧妙,他說:「愛未必好 Logical,未必好有原因,甚或有時可能會好蠢,但呢個就係愛嘅精神,唔好諗太多,唔好估太多。我開 Live 都有講過,希望呢個世界多啲愛,每個人都可以多少少愛或者大愛啲,成個世界會開心啲,大家都會舒服啲。周耀輝老師寫嘅詞同我嘅理念好接近,所以好鍾意!」今次是 Edan 第一次接觸 R&B,一直很擔心難以拿捏,而為了盡善盡美,他特別用了 7 日時間灌錄〈LOVERSE〉,是繼〈E先生連環不幸事件〉之後灌錄時間最長的一次。

〈LOVERSE〉本來預定在聖誕節推出,不過因延期最終改到大除夕才面世,不過這卻與 MV 裡的情節吻合了!因為 MV 裡都有倒數情節,而 Edan 亦化身外星人來到地球,遇上一名少女,發展出超出估計的情誼。Edan 變身外星人,原來有段故,他說:「以往啲 MV 我都係演一個貼地嘅男生,會經歷大家都會經歷嘅嘢,好多類似嘅嘢,所以就諗不如試啲新嘢,或者跳脫啲,冇咁現實嘅嘢,結果就揀咗外星人嘅主題。自己聽咗個故仔都覺得好吸引,更提出我要做外星人!」

為了做個入型入格的外星人,Edan 不但換上最誇張的服飾,他更漂白了頭髮,又戴了 Colour Con,讓人眼前一亮。「今次應該係出道以來最誇張嘅一次,誇過出 Show,但好好玩,可以著啲好誇張嘅嘢,可以試新形象,睇落都唔錯。」不過,Edan 擔心自己的表現未能令人信服自己是外星人,他說:「唯一少少擔心自己做外星人會唔會好傻仔?因為全程畀女主 Lead 住做一啲嘢,乜都唔識咁。希望出嚟感覺大家會覺得幾得意,亦希望畀到大家想像空間,想像如果倒數時有個外星人喺背後出現,會係點呢?」

今次〈LOVERSE〉MV 不但要在不同地方取景,又要轉換多個造型,更要一日內完成拍攝,所以整個拍攝進程都十分緊張,Edan 也說:「都幾辛苦,咁嘅工作模式,有少少懷念但同時又好有動力,因為好耐冇試過咁「Chur」拍 MV,加上成個 MV 嘅氣氛同主題我都好鍾意,所以 OK。今次最攰係戴 Colour Con,不嬲戴 Con 都唔可以戴好耐,會好攰好拮眼,加上前兩日開始喉嚨痛,有少少嚥喉發炎,有少少感冒,好在有 Keep 住食藥,我比較擔心女主角多啲,因為有幾個 Shot 同我好近距離,我同佢講都應該病硬。」

明天就是 2023 年,Edan 特別分享了他來年的目標。「2023 年希望出多啲唔同種類嘅歌。其實都袋住咗啲歌好想出,亦都係風格好唔同,希望可以儲多啲唔同種類嘅歌。另外就係繼續唱多啲歌,變靚仔啲,做戲做好啲!」最後,Edan為各位送上最有愛的祝福,說:「祝大家 2023年新年快樂,希望大家可以勇敢去愛,搵到自己所愛,活喺呢個充滿愛嘅宇宙入面,同埋記得聽〈LOVERSE〉!」

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 1

  • Michael
    根本就係垃圾D D叫作品🤬🤬🤬🤬
    2023年02月07日05:10
顯示全部