男團ERROR隊長肥仔(梁業)有份和姜濤、陳卓賢、呂爵安、邱士晉、張繼聰等人主演ViuTV劇集《季前賽》,早前他竟然大膽在IG公開「裸照」而遭到Instagram以「違反成人性誘惑守則」將照片刪除。
其實所謂的「裸照」,是上星期播出劇集中肥仔演的「豬潤」被騙徒欺騙所拍下的,而肥仔就在IG公開三張劇中打格「裸照」,留言:「我有朋友睇見呢幾張相,因為無睇《季前賽》,真係以為我有裸照流出!好擔心我,問我有咩需要幫手。邊個我唔講啦!BTW,好多謝你,Sorry Like數唔夠唔會有原圖。導演@fen_yuen(袁劍偉)真係覺得好正,今次套劇真係犧牲好多色相!」
不過上載只一會,就被IG刪除,之後肥仔再出帖解釋,原來因為IG覺得該輯照片「違反成人性誘惑守則」,肥仔則搞笑留言:「佢Del咗我Post,事實證明我太誘惑,為咗減低呢個成人色情誘惑成份,我惟有咁post,多謝IG保護我哋未來嘅小朋友。」