旺角東MOKO新世紀廣場 帝京酒店 上年年尾全新開張呢間豪華版日式放題🇯🇵🍣，三百幾蚊連「魚子醬」都任食😱！而且所有海膽菜式都係用日本海膽😍！
✿ 晚市放題 成人$348/位起 (視乎入座時間)、小童$218/位
前菜/小食
竟然連「魚子醬」都任食😱！由魚卵鹽漬而成嘅魚子醬味道濃郁。自助區有芝麻八爪魚、螺肉、中華沙律等常見日式小食，較特別嘅有藤椒魚皮、泰式鳳爪等。
海鮮冷盤🍤🐚
自助區任攞海蝦、青口、翡翠螺，仲有三文魚籽😳！
刺身🐟
有十幾款刺身選擇。三文魚、油甘魚、吞拿魚拖羅、池魚王夠厚切，油脂豐富；貝類有北海道帶子、北寄貝、赤貝，更有海赤蝦、熟松葉蟹腳。
壽司🍣
任食超過廿款壽司，包括炙燒壽司、軍艦、卷物。大推 魚籽醬拖羅、日本北海道海膽軍艦、海膽拖羅黑松露帶子，全部都係日本海膽😍，另外要試黑松露油甘魚、鵝肝芝士鰻魚卷、蟹肉蟹膏蟹籽軍艦👍！
炸物/天婦羅🔥
每次食放題都必點 芝麻雞翼🐥，香口邪惡😍；天婦羅有皇帝蟹棒、蝦等。
串燒/燒物 🍢🍖
必食 鐵板鵝肝厚多士😋，即煎鵝肝厚身又香口，將魚子醬放上鵝肝一齊食，口感有層次👍。另外鹽燒牛舌、燒香草羊鞍、蒲燒鰻魚都係任食。燒溫室菠蘿🍍好香甜解膩一流。
中式煮物🍲
呢度中菜有齊「鮑蔘翅肚」😱！有花雕醉鮑魚、鮑魚皇帝蟹皇粥、花膠海蔘瑤柱翅羹、金湯燴花膠等。
另外有避風塘炒蟹、川燒珍寶鮮蠔燒、金蒜粉絲蒸扇貝、燒乳鴿等。自助區當晚仲有麻辣小龍蝦、辣酒煮花螺等，款式非常之多👍。
飲品 🧃🍺
全部自助區任攞任飲。非酒精飲品有冷/暖飲品，例如自家製冷泡茶、包裝飲品、汽水等，而酒類有日本梅酒、啤酒。
甜品🍨🍮
熱食有 椰皇燕窩燉蛋白，凍食有Mövenpick ，Häagen-Dazs雪糕、雪條等等，中意食榴槤仲可以自製軟雪糕加榴槤蓉😋。
總結🫦
好多人都食過大喜屋日式放題，而旺角東站呢間「殿·大喜屋」食材用料更加豪華，地理位置仲好方便。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
殿·大喜屋
地址：旺角太子道西193號帝京酒店2樓
電話：3188 0602
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
▼Follow konglui.food 港女食好西
Instagram: https://www.instagram.com/konglui.food/
留言 0