IKEA小編惡搞何詩蓓為「何鯊蓓」　竟得本尊回應：要唔要我頂泳帽

IKEA香港官方社交平台的小編一向緊貼潮流抽水，最近當香港女飛魚何詩蓓在奪得銅牌，就賣自家鯊魚公仔，留言：「水！如果我叫做何鯊蓓，應該游得仲快！」竟然引得本尊留言回應。

何詩蓓以其個人社交平台帳號留言三條鯊魚emoji，之後小編驚喜回覆：「嘩！Siobhan可唔可以幫小編隻何鯊蓓簽名！」何詩蓓再回應，竟然提出可以送出自己的泳帽予「何鯊蓓」：「of course，何鯊蓓需唔需要頂何詩蓓泳帽。」IKEA小編則回應指可以IKEA另一隻吉祥物「金仔」交換，何詩蓓再覆︰「你咁辛苦養金仔不如我直接送俾你啦!」小編最後︰「愛你呀！Siobhan！」何詩蓓亦留言一個心心Emoji。