商台《2024年度叱咤樂壇流行榜頒獎典禮》記者招待會將於下周一（4日）在昂坪市集舉行，去年的叱咤記招有近百歌手出席，當中包括人氣男團MIRROR，因此吸引大批粉絲到場，迫爆市集。有歌迷為霸好位，提早於活動前4日在場地外通宵露宿。據知，今年情况更誇張，有「姜糖」（姜濤粉絲暱稱）早在半個月前已提早上山紮營。
近日有姜糖在社交平台上載昂坪市集晚上滿地露營帳幕的影片，並寫道︰「望住呢個糖區，乜嘢辛苦都值得。個區唔係你噚日上嚟先有，亦都唔係大會派畀你，個區係20/10凌晨半夜由糖上去昂坪霸位，排咗8日8夜，輪班守住，好辛苦先爭取到番嚟。日頭返工放工就上昂坪，仲有一大堆物資，逐批逐批運上昂坪。只要為姜濤爭取到最好嘅，乜嘢都唔辛苦，乜嘢都係值。」
從影片裏的帳幕數量所見，估計現場有過百姜糖，綿延不絕佔據了廣場很多位置。場地管理公司架起鐵欄，讓姜糖在欄杆內紮營。欄內除有露營帳幕，還有膠椅、膠墊等大量物資，場面震撼。有姜糖表示︰「唔係我哋想咁做上去，係人哋已開咗隊，不能不上去霸位，姜區好重要，有幾個糖已經病咗，我哋一定要快啲好番，4號見。」
（即時娛樂）
留言 0