愷樂颱風下首曝光阿仔靚樣　利菁豪宅被吹爆落地窗

強颱風康芮吹襲台灣，多位藝人都留守家中免出意外，當中被指疑為復出鋪路嘅「蝴蝶姐姐」愷樂，就繼續為大家罕有晒出新相，今次佢就指自己囝囝靚相，令阿仔側面靚樣曝光。萬聖節碰巧遇上颱風，愷樂都照為囝囝着上Cute爆南瓜裝，首度曝光阿仔側臉，可愛萌樣吸引網友湧入搶看，佢自己亦留言道：「獲得一顆小南瓜！」非常享受同小朋友過節嘅時光。

不過台灣名主持利菁就唔好彩喇，佢尋晚（31日）發文，晒出家中滿地玻璃碎片嘅驚人豪宅相，並寫下：「救命，我最擔心的落地窗破了，怎麼辦？」原來佢家中靠近腳邊嘅落地窗，因承受唔住強颱風嘅威力，導致落地窗瞬間碎裂，當場嚇佢一大跳。利菁拎住掃把清理碎玻璃，一邊掃一邊擔心：「康芮風太強，玻璃還在搖耶」網友都同佢一齊心驚。

東網網站 : https://on.cc/東網Facebook專頁 : https://www.facebook.com/onccnews/