今晚（20日）舉行的《善心滿載仁愛堂》節目，據知聲夢學員黃奕斌（Hugo）本有份演出，但臨時要缺席，原來跟他被列為密切接觸者有關，為安全計而辭演，而取替他演出者的是前天堂鳥成員Gordon（葉泓聲），他接受訪問時坦言：「係呀！因為Hugo有啲事，所以公司臨時換人！我都好開心公司即刻諗起我，雖然只得2日時間去準備，個表演成5分鐘左右，不過都夠時間，因為我本身都跳開舞。」
問可介意執後輩Hugo「二攤」？他表示完全不介意，因為珍惜任何一個演出機會，況且是為慈善出力，會更開心及落力，又說：「唱歌跳舞又係我最鍾意嘅嘢，做自己最鍾意嘅嘢特別精神。」除有機會在大騷演出外，他興奮謂成為高收視劇集《愛回家》的成員：「首次可以加入《愛．回家》真係好期待，喺排練大騷期間要兼顧埋個客串角色，感覺係好似同時間競賽咁。」
東網網站 : https://on.cc/東網Facebook專頁 : https://www.facebook.com/onccnews/