傳MIRROR合體拍戲爭做「星」 Lokman新片柏林影展全球首映

MIRROR因紅館意外停工兩個月，早前重新復工後愈戰愈勇，除了在音樂頒獎禮上取得佳績外成員如Edan（呂爵安）、Jer（柳應廷）、Anson Lo（盧瀚霆）、姜濤等都踩入大銀幕做影壇新貴，當中Edan及Jer更憑《過時．過節》、《闔家辣》及《阿媽有咗第二個》入圍今屆金像獎「最佳新演員」，認真厲害。

眼見12子在影壇都有所發展，有傳MakerVille由去年開始已籌備為MIRROR全員開拍一部電影，以他們的「真實背景」做藍圖講12子參加跟《全民造星》相類似的選秀比賽，兄弟之間齊齊互鬥爭冠軍，預計今年內開鏡拍攝。不過由於「人氣王」姜濤近日多次身體不適，加上在初步構思階段，所以仍有很多變數。

此外，隊長楊樂文（Lokman）有份同影帝林家棟主演的新片《命案》早前亦已公開預告片，戲中Lokman破格演變態殺人狂，講他見到「鳳姐」被殺而引發殺戮天性，惟有靠家棟演的算命大師扭轉血腥命格。鄭保瑞曾力讚Lokman：「 Lokman係唯一一個我覺得有可能演得到（這個角色）的演員。」《命案》更將於在今年2月舉行的第73屆柏林影展中作全球首映。