Chill Club頒獎禮｜林家謙得獎但缺席　好友Tyson Yoshi代發感受：唔係佢勁，係你哋廢

《Chill Club推介榜年度推介23/24》頒獎禮今晚舉行並頒獎多個獎項，但往年得獎常客張敬軒、林家謙等人沒有出席。當林家謙獲得「Chill Club年度唱作歌手」時，未有派人代領，因此主持人李昭南（Mishy）邀請其好友Tyson Yoshi及Serrini上台代領及發表感受，Tyson Yoshi笑說：「我而家講咩係咪都入佢數？咁，林家謙話，唔係佢勁，係你哋廢！」

《Chill Club》頒獎禮自創立以來，林家謙包辦3屆「Chill Club年度唱作歌手（金獎）」，來到新一屆頒獎禮亦成功得獎，今屆他在近22萬總票數當中獲得超過半數的127,136票得獎，但林家謙未有出席，亦未見有人上台代領獎。

主持人Mishy就點名邀請林家謙好友Tyson Yoshi上台代為領獎。Tyson Yoshi一臉茫然，上台後不知道說甚麼，直言：「林家謙搵啲咁嘅嘢搞呀！」由於大會在頒獎禮前邀請一眾歌手寫出想多謝的人，於是Tyson Yoshi說林家謙要多謝後面大銀幕的人，又說了句「母親節快樂」。然後，Tyson Yoshi笑問：「我而家講咩係咪都入佢數？」接著他就說：「佢話，唔係佢勁，係你地廢。」說罷後就衝落台，全場爆笑。

台下的Serrini一直指手劃腳，主持人Mishy就邀請同為林家謙好友Serrini上台幫忙說感受。Serrini上台說：「做乜要我上台？但頭先果首〈小林不動產〉其實係我寫。」她笑指自己是比林家謙更好的唱作人，隨即大擺甫士，場面相當尷尬。Mishy再次問她會否與林家謙再合作，Serrini不理會對方問題，笑說會寫歌給Jer、Jeremy、Jay等所有J字頭的男人。她笑指自己上台搲撈，後來沒話好說，就認為自己不應阻住珍貴的air time後下台了。