歌手吳若希(Jinny)的新歌《三人之境》終於面世,Jinny表示很開心找到舒文做監製,她說:「因為之前工作有啲忙,早前去咗內地幾個月拍劇同做咗幾場演唱會,返港公司又幫我開咗一場騷,所以差不多一年冇推出新歌了。」
這是一首關於第三者的歌曲,Jinny聽了人家的故事而用第三者的身份唱出來,她說:「作為大婆嘅我,當然對第三者冇好感,做第三者當然唔係好事啦!」她再說:「感情之間係好複雜嘅,當局者同局外人都唔會清楚,我都係結婚後幾年先有所領悟,作為第三者, 有時識得放下都唔係壞事,係屬於你嘅始終都係屬於你,唔屬於你嘅始終都唔會係你啦,所以奉勸所有第三者喺感情上面要知道自己喺咩位置,要識得抽身。」
這首歌是Jinny親自揀選的,選用了新作曲人李正皓,Jinny表示這個Melody是她好喜歡的類型,更開心再找了林若寧填詞,因為她出道時的第一首歌都是對方為她填詞的,覺得他的歌詞好到位及跟他甚有默契。
東網網站 : https://on.cc/東網Facebook專頁 : https://www.facebook.com/onccnews/