經典性感女星葉子楣今日（20日）接受薛家燕新城廣播節目《開心大派對》訪問，重提當時受男友反對下毅然退出幕前，她坦言：「男人係咁自私，而且當年最高峰連拍13部戲，都想畀自己休息吓！」當年她走性感女星路線，堅持不應酬、不食飯及不露點，至今仍保持21吋纖腰的秘訣，是戒煎炸、戒鹹和戒甜品。
葉子楣受訪時稱淡出娛樂圈30年，對復出幕前持開放態度，認有收到劇本，正傾談中，她說：「現在電影市道低迷，我想拍啲內心戲戲種，之前有啲網大網劇搵我要性感，唔特別推咗好多，自己都係鍾意實體電影多啲。（唔想賣性感？）想突破，出來活動可以着得性感，拍戲性感就唔想，想有發揮多啲，冇突破寧願唔拍，自己唔急做嘢，對復出冇特別諗，順其自然。」透露11月底會去馬來西亞做選美比賽頒獎嘉賓，也會獻聲唱歌。
東網網站 : https://on.cc/東網Facebook專頁 : https://www.facebook.com/onccnews/
