2014年港姐亞軍王卓淇(Erin)2021年和TVB完約後便北上發展,不時拍短片分享,又曾經回答網民提問,提到在TVB工作第一個月人工只有$7,000。而近年轉型KOL的王卓淇,早前就分享在內地拍攝網上短劇的情況,提到只收幾百蚊一集:「唔係最差㗎其實TVB,平反一下先。」
王卓淇早前客串的短劇是前TVB藝人何君誠有份投資的,她提到收入:「大家成日話TVB嘅收入唔高,喺香港嚟講係唔高,但係同內地短劇比呢,其實係OK㗎喎。因為呢度嘅成本係幾百蚊一集㗎咋,幾百到幾千,你好紅嘅短劇演員都係幾千蚊一集,除非你係一線呀,可能佢有一兩萬一集,但係一般都係幾百蚊一集嘅啫。所以TVB都有……一千幾千一集,仲低囉呢度!唔係最差㗎其實TVB,平反一下先。」不過她亦大讚短劇成本低、製作快、收益高,只需要6日就拍完,而且很好玩。