內地女團SNH48出道嘅上位花星鞠婧禕,一直被盛讚係「4000年一遇美女」,女神地位屹立不倒,次次晒自拍都令網友驚嘆不已,但係人紅多是非,外界一直傳佢曾「執靚個樣」,又質疑佢靠濃妝出位,雖然佢多次暗示自己純天然,不過口講無憑,今次佢就上載自己素顏敷Mask嘅自拍,真實顏值終極曝光!
見佢臉頰、下巴都敷住面膜,身穿吊帶仔嘅佢平時行開「玉女」路線,今次大方露出香肩自拍,仲專登Cut走唔影事業線部分,集清純、若隱若現於一身。講到最吸睛,當然就係佢五官依舊精緻,肌膚光滑細緻,甚至白到識發光,「真身」似足洋娃娃,果然靚樣有保證。
東網網站 : https://on.cc/東網Facebook專頁 : https://www.facebook.com/onccnews/